隨着人們愈來愈注重健康及醫療發展越趨成熟，香港人均壽命較三十年前增加約八年。根據政府 2017 年底嘅人口推算，65 歲及以上長者嘅比例推算將由 2016 年嘅 17％增加至 2036 年的 31％，再進一步上升至 2066 年嘅 37％。數目龐大嘅長者對醫療、福利及貼身服務等需求日增，意味社會有需要去滿足這個不斷增長嘅「銀髮市場」。要讓長者有個稱心嘅退休生活，喺各方面都得到適切嘅照顧，護老方面尤其重要。

松齡護老集團最近就推出首個腦退化症主題優質護老院舍「松齡樂軒」。松齡樂軒位於石硤尾，佔地三層，提供 102 張床位，設有不同房型選擇。護老院舍共設有三個主題空間，每層均針對患有不同程度腦退化症嘅長者而設計，分別係一樓嘅模擬社區空間，二樓嘅文化藝術空間，以及三樓嘅長者活力空間。集團獨有「銀齡幣計劃」亦係另一大賣點，由從事長者教育及培訓嘅專家設計。長者可透過擔任各種工作，參與活動或比賽去獲得院舍設計嘅銀齡幣，而銀齡幣可用於護老院內消費。松齡樂軒內除咗有由跨專業團隊組成嘅多元化「腦退化治療」，每位長者入住時更有團隊專家為長者進行多方面國際認可嘅評估。透過評估結果，並聽取長者與家屬嘅需要，設計個人護理計劃以照顧長者的特定需求。